- 128 -

1342. Sept. 20. Breslau.

Indulgenz-Brief des Bischofs Preczlaus von Breslau, bei Errichtung eines Altars in der Petri-Kirche zu Liegnitz.

Preczlaus dei et sedis apostolice prouidencia episcopus Wratislauiensis vniuersis et singulis Christi fidelibus in nostra dyocesi Wratislauiensi constitutis salutem in eo, qui est omnium vera salus; cupientes, vt altaria infrascripta in parochiali ecclesia sancti Petri aput Legnicz erecta et dudum per pie memorie dominum Nankerum nostrum antecessorum quondam Wratislauiensem episcopum consecrata, primum videlicet altare, quod est in medio dicte ecclesie in honore beate Marie, sancte Anne matris eius, sancti Andree apostoli, sancti Jacobi maioris, sancti Johannis baptiste, sancti Johannis euangeliste et Sanctorum Materni et Blazij; item secundum altare, quod est a dextris in honore sancti Michaelis, Omnium Sanctorum, Omnium Animarum et Sancti Yodoci; item tercium altare, quod est a sinistris in honore sancte Hedwigis, sancte Elyzabeth, sancte Marie Egiptiace, sancti Valentini, sancti Nycazij martirum; item quartum altare circa columpnam in honore sancte Crucis, sancte Katherine, sancte Dorothee, Kassarie, Barbare, Margarethe, Cecilie, Lucie, Agnetis, Apollonie, Clare, Othilie et Vndecim Milium Virginum, congruis honoribus frequententur et a cunctis fidelibus venerentur, de omnipotentis dei clemencia confidentes omnibus vere penitentibus et confessis, qui ad dicta altaria aut aliquod eorum deuote accesserint, diuinam graciam petituri, ipsisque pro luminibus, ornatu et aliis necessarijs manum porrexerint adiutricem, pro actu quolibet huiusmodi quadraginta dies indulgencie, ac in anniuersario consecratoris et patronorum dictorum altarium eciam qui accesserint, quadraginta dies similiter indulgencie in domino misericorditer impartimus In ciuus rei testimonium presentes litteras scribi iussimus et nostri sigilli munimine roborari; datum Wratislauie xij kal. Octobris, anno domini M°C°C°C°XL secundo.

O. d. St. L. No. 56. An Pergamentstreifen das bischöfliche runde Siegel in grünem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866